სასტუმრო "ჰოლიდეი ინნ"-ში მედიაში მიმდინარე მოვლენებზე მსჯელობენ. ჟურნალისტებთან ერთად შეხვედრას ესწრებიან არასამთავრობო ორგანიზაციები, ომბუდსმენის, საქართველოს პარლამენტის, აღმასრულებელი ხელისუფლების, დიპლომატიური კორპუსისა და საერთაშორიო ორგანიზაციების წარმომადგენლები.
ინგა გრიგოლიას განცხადებით, არსებობს საგანგაშო სიგნალები და კითხვები, თუ რა ხდება მედიაში დაადგილი აქვს თუ არა პოლიტიკურ ზეწოლას.
,,როცა არსებობს ასეთი ტიპის საფრთხეები, არის შეკითხვები, მნიშვნელოვანია ასეთი შეხვედრები. თავის დროზე, 2003 წლის რევოლუციის შემდეგ ისე დაიწყო გადაცემების დახურვა, რომ მაშინ ასეთი რეაქცია არც სამოქალაქო საზოგადოებას და არც პოლიტიკურ წრეებს არ ჰქონიათ. დღეს ასეთი ტიპის ერთიანობა იმაზე მეტყველებს, რომ 2003-2004 წლებისგან განსხვავებით, მარტივად არ ჩაივლის, რომ ესა თუ ის გადაცემა არგუმენტების გარეშე დაიხუროს", - აცხადებს ჟურნალისტი.
კოალიცია "მედიის ადვოკატირებისთვის" მიერ ორგანიზებულ შეხვედრაზე, ტელეკომპანია "რუსთავი 2"-სა და ტელეკომპანია "იმედში" განვითარებულ მოვლენებზე მსჯელობენ.
