პრეზიდენტის მრჩეველი ეკონომიკურ საკითხებში გიორგი აბაშიშვილი მიიჩნევს, რომ პარლამენტის საფინანსო-საბიუჯეტო კომიტეტის თავმჯდომარემ თამაზ მეჭიაურმა ეთიკისა და კულტურის ნორმები სრულად დაარღვია.
"სამწუხაროა ვნახეთ სიტუაცია, როდესაც არგუმენტების არარსებობის ფონზე გაკეთდა ცალკეული ძალიან შეურაცხმყოფელი განცხადებები. ჩემი აზრით, ეს თითოეული ადამიანისთვის მიუღებელია, მაგრამ ამავდროულად აქ ამ ამ შენობაში, საქართველოს პარლამენტში არის ეთიკის და კულტურის ნორმები რომელიც სრულად დაირღვა,"- აცხადებს პრეზიდენტის ეკონომიკური მრჩეველი გიორგი აბაშიშვილი.
შეგახსენებთ, რომ გუშინ პარალამენტში ეროვნული ბანკის შესახებ კანონპროექტის განხილვისას საფინანსო-საბიუჯეტო კომიტეტის თავმჯდომარემ თამაზ მეჭიაურმა პრეზიდენტის მიმართ განცხადა, რომ "ბიძინა ივანიშვილს დავადანაშაულებ იმაში, რომ მან ერთ "ენჯეო-ელ სოროსელს", რომელსაც საქსოვი ჩხირები ეჭირა, ის ხელიდან გააგდებინა და ვეტოთი აღჭურვა, რომლითაც ნერევებს გვიშლის ჩვენც და მოსახლეობასაც".