ხელოვნებისა და ლიტერატურის კონკურსში "თბილისი" მონაწილეობის მსურველთა განაცხადების მიღება გრძელდება. კონკურსი, რომელიც ერთდროულად ხელოვნების რამდენიმე სფეროს მოიცავს დედაქალაქის მუნიციპალიტეტის საკრებულოს ინიციატივით ხორციელდება.
აღნიშნულ კონკურსში მონაწილეობის მსურველებს განაცხადის შეტანა რვა ნომინაციაზე, კერძოდ, წლის საუკეთესო პროზაული, პოეტური, ფერწერული, ფოტოხელოვნებისა და არქიტექტურის, ასევე წლის საუკეთესო სიმღერისა და ქანდაკების გამოსავლენად შეუძლიათ.
სასკოლო ასაკის ბავშვებისათვის კი წარმოდგენილია ნომინაცია "წლის საუკეთესო ესე - "ჩემი თბილისი". ამასთან, განსაკუთებული აღნიშვნის ღირსი ის ნაშრომი, რომელმაც ვერც ერთ წარმოდგენილ ნომინაციაში ვერ გაიმარჯვა, ,,ჟიურის სპეციალურის პრიზით’’ დაჯილდოვდება. ნამუშევრების მიღება 20 ივლისიდან 10 სექტემბრამდე გაგრძელდება, ხოლო გამარჯვებულების დაჯილდოება, რომლებსაც კონკურსის სიმბოლო-ხოხობი და ერთჯერადი ფულადი პრემია გადაეცემათ, ,,თბილისობის’’ ღონისძიების ფარგლებში მოხდება.
კონკურსში მონაწილეობის მისაღებად სავალდებულოა ელექტრონული სააპლიკაციო საკონკურსო განაცხადის შევსება, რომელიც თბილისის მუნიციპალიტეტის საკრებულოს ვებგვერდზეა განთავსებული.
ელექტრონული ფოსტის მისამართია: konkursitbilisi@tbsakrebulo.gov.ge