ფოთში, სატვირთო ავტომობილი გაზის მილს შეეჯახა. ,,რუსთავი 2” -ის ინფორმაციით, შეჯახებამ გაზის მილი მნიშვნელოვნად დაზიანდა.
შემთხვევის შედეგად არავინ დაშავებულა. უსაფრთოხების დაცვის მიზნით, საპატრულო პოლიციის თანამშრომლებმა ფოთში შესასვლელი გზა ორმხრივად გადაკეტეს.
ადგილზე მობილიზებული არიან სახანძრო-სამაშველო სამსახურის თანამშრომლებიც.უკვე დაწყებულია დაზიანებული გაზის მილის აღდგენითი სამუშაოები. ბუნებრივი აირის მილი კერძო პირის საკუთრებაა და ავტოსაგზაო შემთხვევიდან გამომდინარე ქალაქ ფოთს გაზმომარაგებასთან დაკავშირებით პრობლემები არ შეექმნება.