საზოგადოებრივ მაუწყებელზე ეკა მიშველაძის პოლიტიკური თოქ-შოუ ”პირველი სტუდია” დაიხურა. ინფორმაცია ამის შესახებ ”ჯი-ეიჩ-ენს” პირველი არხის თანამშრომლებმა მოაწოდეს.
მათი განმარტებით, ”პირველი სტუდიის” დახურვა გადაწყვეტილია და მის ადგილას 3 გადაცემის ჩასმა იგეგმება. საზოგადოებრივ მაუწყებელზე ხვალისათვის თათბირია დაგეგმილი, სადაც სავარაუდოდ თანამშრომლებს აღნიშნულის შესახებ დეტალურ ინფორმაციას გააცნობენ.
თოქ-შოუს დახურვის შესახებ ოფიციალური კომენტარი საზოგადოებრივ მაუწყებელში ამ ეტაპზე არ გაუკეთებიათ.
რაც შეეხება თავად ეკა მიშველაძეს, მან რამდენიმე საათის წინ ,,ჯი-ეიჩ-ენთან” განაცხადა, რომ შვებულებიდან სამსახურში დღეს გავიდა და ჯერჯერობით, ინფორმაციას არ ფლობს.