31 აგვისტოს ქ. ბონში (გერმანიის ფედერაციული რესპუბლიკა) გაეროს კლიმატის ცვლილების ჩარჩო კონვენციის კონფერენციის ფარგლებში Ad Hoc სამუშაო ჯგუფის შეხვედრა გაიხსნა, რომელშიც მონაწილეობას იღებს გარემოსა და ბუნებრივი რესურსების დაცვის მინისტრის პირველი მოადგილე, თეიმურაზ მურღულია. შეხვედრას ესწრება 190-ზე მეტი კონვენციის მხარე ქვეყნის დელეგაცია.
Ad Hoc სამუშაო ჯგუფის შეხვედრას ფარგლებში მოლაპარაკებები მიმდინარეობს კლიმატის ცვლილების ახალ შეთანხმებასთან დაკავშირებით, რომლის მიღებაც იგეგმება 2015 წლის ბოლოს ქ. პარიზში გაეროს კლიმატის ცვლილების ჩარჩო კონვენციის მხარეთა 21-ე შეხვედრაზე (COP 21).
საქართველოს, როგორც კონვენციის მხარეს, დიდი ინტერესი აქვს შეხვედრაზე განხილულ საკვანძო საკითხთან, განსაკუთრებით კლიმატის ცვლილების ახალ შეთანხმებაში განვითარებადი და გარდამავალი ეკონომიკის მქონე ქვეყნების სტატუსების განსაზღვრასთან დაკავშირებით. შესაბამისად, საქართველოს დელეგაცია, მინისტრის პირველი მოადგილის ხელმძღვანელობით, ჩართულია გამართულ მოლაპარაკებებში.
