დღეს, 31 აგვისტოს, პრინცესა დაიანას ტრაგიკული სიკვდილიდან 18 წელი შესრულდა. დაიანა სპენსერი 1997 წლის 31 აგვისტოს პარიზში ავტოკატასტროფაში დაიღუპა.
პრინცესა დაიანა 1961 წლის 1-ელ ივლისს სანდრიგემში, ნორფოლკში დაიბადა. ის იყო პრინც ჩარლზის პირველი ცოლი.
პრინცესა დაიანა, ლედი დაიანა ან ლედი დი - გრაფ სპენსერის ქალიშვილი და სპენსერ-ჩერჩილების ოჯახის წარმომადგენელი იყო, საიდანაც ჰერცოგი მელბურნი და უინსტონ ჩერჩილი იყვნენ.
დაიანამ პრინცი ჩარლზი საქველმოქმედო საღამოზე გაიცნო, 1981 წელს კი ცოლად გაჰყვა. ერთი წლის თავზე პირველი ვაჟი უფლისწული უილიამი შეეძინათ, 1983 წელს კი მეორე ვაჟი ჰარი დაიბადა.
სკოტლანდ იარდში მიჩნევენ, რომ 2008 წელს ჩატარებული გამოძიება პრინცესა დიანასა და დოდი ალფაიედის გარდაცვალებასტან დაკავშირებით, სწორად წარიმართა და ამომწურავი იყო.
2008 წელს სასამართლომ დაადგინა, რომ წყვილი დიანას მძღოლის, ანრი პოლის გაუფრთხილებლობის გამო დაიღუპა.ნაფიც მსაჯულთა სასამართლომ სწორედ მძღოლი და ფოტოგრაფი-პაპარაცები დაადანაშაულა დიანასა და დოდის დაღუპვაში.
მოჰამედ ფაიედი, დოდი ფაიედის მამა, არ დაეთანხმა ნაფიც მსაჯულთა ვერდიქტს.