31 აგვისტოდან 4 სექტემბრის ჩათვლით, პოლონეთის რესპუბლიკაში, ქალაქ სოპოტში, გაიმართება მსოფლიო ვეტერანთა ფედერაციის 28-ე გენერალური ასამბლეა. აღნიშნულ ღონისძიებაში მონაწილეობას მიიღებს 45 დელეგაცია მსოფლიოს სხვადასხვა ქვეყნიდან. მათ შორის, ქართული დელეგაცია, სსიპ ვეტერანების საქმეთა სახელმწიფო სამსახურის დირექტორის ირაკლი შიხიაშვილის ხელმძღვანელობით.
დაგეგმილია შეხვედრები სხვადასხვა კომიტეტებთან, მათ შორის ევროპის საქმეთა მუდმივ კომიტეტთან.
ასევე, გაიმართება არა ერთი სიმპოზიუმი და პლენარული სხდომა. დაგეგმილია სსიპ ვეტერანების საქმეთა სახელმწიფო სამსახურის დირექტორის ირაკლი შიხიაშვილი სიტყვით გამოსვლა.
მოსალოდნელი შედეგი: საერთაშორისო გამოცდილების გაზიარება, ურთიერთობების გამყარება და სამომავლო თანამშრომლობა.