ბარათაშვილის ხიდის რეაბილიტაცია 2016 წლის გაზაფხულზე დასრულდება.
როგორც ”ჯი-ეიჩ-ენს” ქალაქ თბილისის მერიის კეთილმოწყობის სამსახურში განუცხადეს, ამჟამად სამუშაოები გეგმაზომიერად მიმდინარეობს. მათივე ინფორმაციით, ახლო მომავალში დასრულდება ხიდის ერთი მონაკვეთის გაკეთება და მოხდება მეორე მხარის რეაბილიტაცია, რის გამოც მოძრაობა გზაზე ნაწილობრივ კვლავ შეიზღუდბა.
ბარათაშვილის ხიდის სარეაბილიტაციო სამუშაოებს შპს „ენ სი სი“ აწარმოებს. პროექტზე დედაქალაქის ბიუჯეტიდან 1.8 მლნ ლარი იხარჯება. შეგახსენებთ, რომ ბარათაშვილის ხიდის რეაბილიტაცია რამდენიმე თვის წინ დაიწყო. პროექტი ითვალისწინებს ბარათაშვილის ხიდის სავალი და საფეხმავლო ნაწილის შეცვლასა და ნაგებობის ქვეშ არსებული მიწისქვეშა გადასასვლელის სრულ რეაბილიტაციას.
