აშშ-ის კოსმოსურმა სააგენტომ (NASA) ჟურნალისტებისთვის ტელეკონფერენცია გამართა, სადაც ყურადღება გამახვილდა მსოფლიო ოკეანის დონის მატების პროგნოზებზე.
ზღვის დონის ცვლილების (Sea Level Change Team) ჯგუფი ამტკიცებს, რომ კვლავ გრძელდება ოკეანის მიერ სანაპირო ზოლის დატბორვა-მიტაცება. ჯგუფის წევრები აცხადებენ, რომ ამ დრომდე ვერ დგინდება ამ პროცესის მიმდინარეობის დინამიკა.
„ადამიანები სერიოზული ცვლილებებისთვის უნდა იყვნენ მზად. მათ შორის სანაპირო ზოლის დატბორვისთვის, რადგანაც ოკეანის დონის მატება გარდაუვალია. აქ მთავრია კითხვა, რამდენად სწრაფად ვითარდება ეს პროცესი“, - განაცხადა ნასას რეაქტიული მოძრაობის ლაბორატორიის კლიმატოლოგმა ჯოშუა უილსმა (Joshua Willis).
კონფერენციზე მეცნიერება აღნიშნეს, რომ მსოფლიო ოკეანის დონის ზრდა დამოკიდებულია სამ ფაქტორზე: 1. სითბური გაფართოება, რომლის დროსაც ზღვის წყალი სითბოს შედეგად მოცულობაში იზრდება და ზღვის დონე იმატებს. ეს ეფექტი კიდევ უფრო მძიმდება გამონაბოლქვების ხარზე, რის შედეგადაც ოკეანე ღებს სითბოს 90%-ს; 2. გრელანდიასა და ანტარქტიკაში ყინულის დნობის საკმაოდ მაღალი ტემპი; 3. მთის ყინულის დნობის ასევე მაღალი ტემპი.
მეცნიერებმა აღნიშნეს, რომ გრელანდიის ყინულის საფარი, ბოლო ათი წლის განმავლობაში, ყოველწლიურად თავისი მასის 303 გიგატონას კარგავდა.
თანამგზავრებით განხორციელებული დაკვირვებების შედეგად დადგინდა, რომ მე-20 საუკუნის დასაწყისიდან ოკეანის დონემ 20,3 სანტიმეტრით მოიმატა. სამომავლო მოდელირების მიხედვით, 21-ე საუკუნის ბოლოსთვის ოკეანის დონის მატება 90 სმ-ით არის ნავარაუდევი.
მეცნიერების განმარტებით, ეს არის საშუალო მაჩვენებელი, რადგანაც დღეის მდგომარეობით, წყლის დონე სხვადასხვა რეგიონებში უფრო მეტად არის გაზრდილი.
NASA -ს მეცნიერები აცხადებენ, რომ განსაკუთრებით პრობლემატურია დნობის პროცესის მიმდინარეობა ანტარქტიკაში, რადგანაც ვერ ხერხდება პროცესის დაკვირვება კოსმოსიდან. ყინულის დნობის პროცესი აქ „სიღრმეში მინდინარეობს“.