ნაძალადევის რაიონში, რკინიგზის ქუჩის და გადასასვლელი ხიდის მიმდებარე ტერიტორიაზე ასფალტის საფარის სარეაბილიტაციო სამუშაოები სრულდება. საგზაო სამუშაოები ნაძალადევის რაიონის გამგებელმა ზაზა გაბუნიამ დაათვალიერა. გამგებელი ადგილობრივ მოსახლეობასაც შეხვდა და გაესაუბრა.
ზაზა გაბუნიას თქმით, რკინიგზის ქუჩას საგზაო სამუშაოები 70-იანი წლების შემდეგ არ ჩატარებია.
„დასასრულს მიუახლოვდა რკინიგზის ქუჩისა და გადასასვლელი ხიდის მიმდებარე ტერიტორიის კეთილმოწყობის სამუშაოები. ეს არის ძალიან მნიშვნელოვანი საკითხი, როგორც მანქანით მოსარგებლე ასევე ფეხითმოსიარულეთათვის, რამდენადაც ეს გახლავთ ნაძალადევის რაიონის ძალიან დატვირთული ტერიტორია,“ - განაცხადა ზაზა გაბუნიამ.
კაპიტალური სამუშაოები 6 640 კვადრატულ მეტრ ფართობზე ხორციელდება.
