გორილა კოკომ, რომელმაც ადამიანებთან ურთიერთობაში ჟესტების ენის გამოყენებით პოპულარობა მოიპოვა, ახლა მეტყველების განვითარების ნიშნებს ავლენს.
1930-1940 წლებში მეცნიერები ცდილობდნენ ლაპარაკი ესწავლებინათ შიმპანზეს შვილებისთვის და მათ ბავშვებთან ერთად ზრდიდნენ. მცდელობა უშედეგო აღმოჩნდა. მას შემდეგ დამკვიდრდა აზრი, რომ პრიმატებს არ შეუძლიათ გააკონტროლონ საკუთარი სუნთქვა და ხმები, რომელსაც ისინი გამოსცემენ. მკვლევარები დარწმუნებული იყვნენ ასევე, რომ მაიმუნების აუდიო რეპერტუარი შეზღუდულია და მათ არ შესწევს უნარი შეისწავლონ ახალი ხმები ან სუნთქვითი ტექნიკა: ბევრ ხმას ადამიანი გამოსცემს ამოსუნთქვისას, მაშინ როცა დანარჩენი პრიმატები - ჩასუნთქვისას. კოკომ შეიძლება უარყოს ეს თეორია.
მარკუს პერლმანი (Marcus Perlman), მეცნიერი მადისონის ვისკონსინოს უნივერსიტეტიდან, შეეცადა შეესწავლა პოპულარული გორილა - კოკოს ჟესტები, თუმცა მან ცხოველში გაცილებით საოცარი თვისებები აღმოაჩინა.
მეცნიერი აკვირდებოდა, საკუთარი სისმოვნებისთვის თუ როგორ უკრავდა კოკო ჩასაბერ ინსტრუმენტებზე და იმიტირებდა ტელეფონზე საუბარს ტუჩების უხმო მოძრაობით. ვიდეო რგოლზე ცხოველი აჩვენებს, თუ რას გააკეთებს დაცემინებისას.
„იგი არ გადმოსცემს სასიამოვნო ხანგრძლივ ხმებს, როგორც ამას ვაკეთებთ ჩვენ“, - განმარტავს მარკუს პერლმანი და დასძენს, - „მაგრამ მას შეუძლია აკონტროლოს ხორხის კუნთები და დაფიქრებით გამოსცეს ხმები“.
გორილას სხვა უნარებს შეიძლება მივაკუთვნოთ უნარი დაახველოს ბრძანებისთანავე. ადამიანებისგან განსხვავებით პრიმატები ვერ აკონტროლებენ ხმოვან ტრაქტს, ამიტომაც გორილის უნარი გარკვეული სახით შეამჭიდროვოს ყელის კუნთები, ასე საოცარი ჩანს.
2001 წელს გორილას სტუმრად მსახიობი რობი უილიამსი ეწვია, რომელმაც შეძლო და გააცინა ცხოველი.
მარკუს პერლმანი დარწმუნებულია, რომ გორილის უნარები დაკავშირებულია იმ გარემოსთან სადაც გაიზარდა, და არ მიიჩნევს მას სხვაზე ნიჭიერად.
“განსხვავება ის არის, რომ ველურ ბუნებაში ეს პრიმატები ვერ ხედავენ ბევრ ნივთებს, რომელსაც ყოველდღიურად აკვირდებოდა კოკო“, - განმარტავს მეცნიერი.
მისი აზრით - ეს არის მაგალითი იმისა, რომ ხელსაყრელ პირობებში პრიმატებს შეუძლიათ განავითარონ ხმოვანი ტრაქტის კონტროლის უნარი, თუმცა ისინი ამას ადამიანივით სრულყოფილად ვერ აკეთებენ.