უკრაინის მდინარეები შრება, ხოლო მათი დაბინძურება კატასტროფულ მასშტაბებს იღებს, - აცხადებს სრულიად უკრაინის ეკოლოგიური ლიგის თავმჯდომარე ტატიანა ტიმოჩკო.
„ჩვენ ჩავატარეთ უკრაინის სახელმწიფოს წყლის რესურსების ინვენტარიზაცია. დაწყებული მცირე მდინარეებიდან. დაბინძურების დონე კატასტროფულია. ამ წელს წყლის დონე, პატარა მდინარეებში დაეცა უპრეცედენტო ნიშნულამდე“, - განაცხადა ეკოლოგმა.
ტატაიანა ტიმოჩკოს განმარტებით, ძალიან ბევრ მცირე მდინარეებში წყალი უბრალოდ გაქრა. ასე მაგალითად, ქალაქ ბოგუსლოვში, მდინარე როსზე, შეიძლება ისე გადახვიდე ქვების დახმარებით, რომ ფეხსაცმელიც არ დაისველო.ზაფხულში როსი პრაქტიკულად არც ჩაედინება დნეპრში, რადგანაც წყალს იყენებენ სამრეწველო საწარმოები, ხოლო მცირე ჰესები უბრალოდ არ ატარებენ მას საკმარისი რაოდენობით. მდინარეში წყლის დონის დაწევის შედეგად წყალი დგება და სწრაფად მრავლდება მიკროორგანიზმები, რომელიც წამლავს მდინარეს .შედეგად, მოწამლული წყალი ჩაედინება უფრო დიდ მდინარეში.