ნიუკასლის უნივერსიტეტის მეცნიერების მიერ ჩატარებულ ახალ კვლევებში, საუბარია იმაზე, რომ Twitter-ი შეძლებს დაეხმაროს მეტყველების დეფექტის მქონე ადამიანებს გაცვალონ ინფორმაცია და თავი უფრო სრულყოფილ ადამიანად იგრძნონ.
«Twitter-ი წარმოადგენს მნიშვნელოვან ინსტრუმენტს მეტყველება დარღვეულ ზრდასრულ ადამიანებში, რომელთაც დეფექტი გაუჩნდათ თავის ტვინის დაზიანების, ინსულტის, აუტიზმის, ცერებრალური დამბლის, მოტორული ნეირონების დაავადების შედეგად”, - ამბობენ მკვლევარები.
„ბევრმა ადამიანმა ვინც იყენებს დამხმარე ტექნოლოგიებს, უკვე იცის როგორ გახადოს ურთიერთობა მოკლე და ტევადი, შესაბამისად ჩნდება მისწრაფება აქტიურად გამოიყენონ Twitter-ი“, - განაცხადა წამყვანმა მკვლევარმა.
მკვლევარი აღნიშნავს, რომ ხშირად მსმენელები მეტყველება დარღვეულ ადამიანებთან ურთიერთობაში ცდილობენ დაასრულონ წინადადება მათ ნაცვლად, ან ისაუბრონ მათი სახელით. ეს კი აღიზიანებს მეტყველების დეფექტის მქონე ადამიანებს. Twitter-ს შეუძლია გაასუფთაოს „სახიფათო მოედანი“, განათავისუფლოს მომხმარებელი სტერეოტიპისგან.
