თბილისში დატბორვის საშიშროების ზონა განისაზღვრა. თბილისის მერის ინფორმაციით, მოსახლეობისათვის საცხოვრებლად საშიში ზონა გარემოს დაცვის სამინისტრომ განსაზღვრა.
მთავრობის დღევანდელი სხდომის დასრულების შემდეგ დავით ნარმანიამ ჟურნალისტებტან განაცხადა, რომ რამდენიმე დღის წინ პროექტი სვანიძის ქუჩის მოსახლეობას გააცნეს და უკვე მათთან შეთანხმებული დოკუმენტი იქნა მიღებული.
მერის განმარტებით, დოკუმენტში არ არის საუბარი სტიქიის გამომწვევ მიზეზებზე, არამედ, იგი უშუალოდ გეოგრაფიულად საზღვრავს კონკრეტულ ტერიტორიას, სადაც დატბორვის საშიშროება არსებობს და მოსახლეობისთვის ცხოვრება სახიფათოა.