თბილისის საკრებულოს თავმჯდომარე, გიორგი ალიბეგაშვილის განცხადებით, კომუნალურ ვაუერებთან დაკავშირებით, ბევრი რამ ქაოსური იყო და უნდა დალაგდეს. მისი თქმით, დახმარება იმ ადამიანებს უნდა გაეწიოთ, რომლებსაც რეგულარულად უჭირთ.
"კომუნალური ვაუჩერების გაცემის კუთხით, ბევრი რამ ქაოსური იყო. ეს ყველაფერი უნდა დალაგდეს. უპირველესად უნდა დავეხმაროთ იმ მოქალაქეებს, რომლებსაც რეგულარულად უჭირთ, მაგრამ იმ მოქალაქეებს, რომლებსაც აქვთ გარკვეული შემოსავალი და მინიმალურ მოთხოვნილებებს აკმაყოფილებს, იქ თავისთავად ცხადია, სხვა პოზიცია უნდა მოინახოს. ეს აუცილებელია იქიდან გამომდინარე, რა საჭიროებები აქვს ჩვენს თანამოქალაქეებს. არც ერთი სოციალურად დაუცველი არ დარჩება დაუკმაყოფილებელი", - აღნიშნა გიორგი ალიბეგაშვილმა.
მისი განცხადებით, ამ საკითხს სწავლობენ მერიაშიც და თავისთავად უფრო მეტი კონკრეტულობა იქნება.