1164 დევნილ ოჯახს საცხოვრებელი ფართი საკუთრებაში სიმბოლურ ფასად, ერთ ლარად გადაეცემა, - ამის შესახებ გადწყვეტილება მთავრობის დღევანდელ სხდომაზე მიიღეს. საკითხი ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა მინისტრ სოზარ სუბარმა და ეკონომიკის მინისტრმა გიორგი კვირიკაშვილმა წარადგინეს.
პრემიერ-მინისტრის ირაკლი ღარიბაშვილის განცხადებით, 10 000-მდე დევნილ ოჯახს დაუკანონდება საცხოვრებელი ფართი, იმ პროცესის ფარგლებში, რომელიც გასული წლის ნოემბერში დაიწყო.
მისი ინფორმაციით, სულ 2012 წლიდან საკუთრებაში საცხოვრებელი ფართი გადაეცა 5 120 დევნილ ოჯახს. პრემიერის განცხადებით, პროცესი მომავალშიც გაგრძელდება.
