თბილისის მერიამ 13-14 ივნისის სტიქიის შედეგად დაზარალებულ 34 ოჯახს ხელშეკრულება უკვე გაუფორმა. თბილისის მერიის განცხადებით, ომარ ხურციძის ოთხსულიანი ოჯახი ერთ-ერთია, ვინც 13-14 ივნისის სტიქიის შედეგად საცხოვრებელი სახლი დაკარგა. წყნეთის ხევში მცხოვრებმა ხურციძეებმა დღეს ქონების საფასურის ანაზღაურების შესახებ შეთანხმებას მოაწერეს ხელი.
"ეს გახლავთ უკვე 34-ე ხელშეკრულება, რომელიც სტიქიის შედეგად დაზარალებულებთან გაფორმდა. ხურციძეების ოჯახმა დღეს თანხმობა განაცხადა მათ საკუთრებაში არსებული ქონების მუნიციპალიტეტის მიერ გამოსყიდვის თაობაზე. შესაბამისი თანხა მათთვის განკუთვნილ სპეციალურ ანგარიშზე ხვალ აისახება.
33 ოჯახს, რომლებსაც მერიამ ხელშეკრულება გაუფორმა, თანხა ჩარიცხული აქვთ, აქედან 12-მა ოჯახმა საცხოვრებელი ბინა უკვე შეარჩია და შეიძინა", - განაცხადა თბილისის მერიის ქონების მართვის სააგენტოს უფროსმა, კარლო ლაფერაძემ.