დღეს, 24 აგვისტოს, 11.00 სთ-ზე იუსტიციის სამინისტროში, კონსტიტუციის დღესთან დაკავშირებით, საქართველოს ეროვნულ არქივში დაცული დოკუმენტები გამოიფინება.
იუსტიციის სამინისტროს ინფორმაციით, ექსპოზიციაზე წარმოდგენილი იქნება 1921 და 1995 წლების კონსტიტუციის დედნები, აგრეთვე, მათთან დაკავშირებული ისტორიული დოკუმენტები და ფოტომასალა.
ღონისძიებას იუსტიციის მინისტრის მოადგილეები და სამინისტროს მმართველობაში შემავალი სამსახურების ხელმძღვანელები დაესწრებიან.