დღეს ევროპაში სტალინიზმისა და ნაციზმის მსხვერპლთა ხსოვნის დღე აღინიშნება. ევროპარლამენტმა 2008 წელს მიიღო რეზოლუცია, რომლითაც დაწესდა, რომ 23 აგვისტოს მასობრივი დეპორტაციისა და ხოცვა-ჟლეტის მსხვერპლს გაიხსნებენ.
ეს დღე უკავშირდება 1939 წელს საბჭოთა კავშირსა და ნაცისტურ გერმანიას შორის მოლოტოვ-რიბენტროპის პაქტის ხელმოწერის თარიღს. ევროპარლამენტის განცხადებაში ნათქვამია: ”სტალინიზმისა და ნაციზმის აგრესიის კონტექსტში განხორციელებული მასობრივი დეპორტაციები, ხოცვა-ჟლეტა და ადამიანების დამონება საომარ და კაცობრიობის წინააღმდეგ ჩადენილ დანაშაულთა კატეგორიას განეკუთვნება”.
2009 წელს ევროპარლამენტმა მიიღო მეორე რეზოლუცია, რომლითაც დაგმო ევროპის კომუნისტური, ნაცისტური და ფაშისტური რეჟიმების მიერ ჩადენილი დანაშაულები.
დეკლარაციას საქართველო 2010 წელს შეუერთდა.
