თუშეთიდან ტურისტების გადმოყვანა მიმდინარეობს. ვერტმფრენებმა რამდენიმე ადამიანი სტიქიის ზონიდან ახმეტისა და თელავის მიმართულებით უკვე გადაიყვანეს.
,,დაახლოებით 45 ადამიანი უკვე გადმოყვანილია. ახლა ველოდები ვეტმფრენის მესამე შემოფრენას, რომ დაახლოებით 25 ადამიანი დავსვათ და ეტაპობრივად გადმოგვყავს ხალხი. ტურისტების ნაწილმა თქვეს, რომ ფეხით გადასვლა ურჩევნიათ და მათ რეინჯერები გადმოაცილებენ” - განაცხადა ,,იმედთან” საუბარში კახეთის გუბერნატორმა ირაკლი შიოლაშვილმა, რომელიც ამ ოპერაციას ხელმძღვანელობს.
ასევე, მიმდინარეობს სტიქიის შედეგად დაზიანებული გზის შეფასება. ამ დროისათვის არსებული ინფორმაციით, დაზიანებულია 500 მეტრომდე გზის მონაკვეთი.
