გრაკლიანის გორაზე მეცნირული კვლევები 2016 წელს განახლდება. ამის შესახებ კულტურის მემკვიდრეობის დაცვის ეროვნული სააგენტოს დირექტორის მოადგილემ პაატა გაფრინდაშვილმა განაცხადა.
„2016 წლისთვის ვგეგმავთ, რომ თანხები გაორმაგდება და ამ მეცნიერული კვლევის დაფინანსება მოხდება. საკმაოდ მასშტაბური სამუშაოებია ჩასატარებელი და ამას ერთი წელი არ ეყოფა, ეს არის მრავალწლიანი პროექტი“, - აცხადებს პაატა გაფრინდაშვილი.
გრაკლიანის გორაზე (კასპის რაიონი) ივანე ჯავახიშვილის სახელობის თბილისის სახელმწიფო უნივერსიტეტის არქეოლოგებმა გათხრები 2007 წელს დაიწყეს, სადაც თსუ სტუდენტებისთვის სამეცნიერო-საველე პრაქტიკის ბაზა ჩამოყალიბდა.
სამუშაოების შედეგად აღმოჩენილი იქნა წარწერა, რომელიც სავარაუდოდ, 2700 წლის წინ არის შესარულებული. უნიკალური აღმოჩენით საერთაშორისო მკვლევარები დაინტერესდნენ.