გვიან ღამით რამდენიმეწუთიანმა სეტყვამ კახეთის რეგიონი დააზარალა. ყვარელში სეტყვას თან ძლიერი ქარიც დაერთო, რამაც სახლს სახურავები გადახადა. განადგურებულია მოსავალი.
სტიქია იყო ლაგოდეხის რაიონშიც, ძლიერმა წვიმამ და სეტყვამ ადგილობრივ მოსახლეობას მოსავალი გაუნადგურა. ლაგოდეხის რაიონის სოფლებში დატბორილია სახლების პირველი სართულებიც. სტიქიამ განსაკუთრებით სოფელ გიორგეთის მოსახლეობა დააზარალა. მოსახლეობას ამ დრომდე არ მიეწოდება ელექტროენერგია და გაზი.
სტიქიის ზონებში საგანგებო სიტუაციათა სამსახურის წარმომადგენლები მუშაობდნენ. ადგილზე ბრიგადების ჩასვლა თბილისიდანაც გახდა საჭირო.
მეწყერი ჩამოწვა ახმეტის რაიონში. მიწის ჩამოშლის შედეგად ომალო-ლეჩურის დამაკავშირებელი გზა ჩაიხერგა.
სტიქიით დაზარალებულ მოსახლეობას დღეს სოფლის მეურნეობის მინისტრი ოთარ დანელია შეხვდება.
