განათლებისა და მეცნიერების სამინისტროს ინფორმაციით, ახალი სასწავლო წლისთვის მზადება აქტიურ ფაზაშია.
„უმრავლეს საჯარო სკოლაში მიმდინარეობს ინფრასტრუქტურული პროექტები, ძირითადად დასრულებულია არსებული სახელმძღვანელოების დახარისხება. სასწავლო წლის დაწყებასთან ერთად, საჯარო სკოლების ყველა მოსწავლე სახელმძღვანელოების სრულ პაკეტს მიიღებს. პაკეტი მოიცავს, როგორც მაღალი ქულით შეფასებულ, უკვე გამოყენებულ სახელმძღვანელოებს ასევე, ახალ წიგნებს“, - აცხადებენ სამინისტროში.
საქართველოს განათლებისა და მეცნიერების მინისტრი თამარ სანიკიძე დღეს თბილისის რამდენიმე სკოლას ეწვია და პირადად გაეცნო არსებული სახელმძღვანელოების მდგომარეობას.