საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს დევნილთა საკითხების შემსწავლელმა კომისაიამ, (მინისტრის 2013 წლის 9 აგვისტოს N320 ბრძანების შესაბამისად), დევნილთა გრძელვადიანი საცხოვრებელი ფართით უზრუნველყოფის მიზნით ქ. თბილისში, „თბილისის ზღვის დასახლებაში“ („ოლიმპიური სოფელი“) და ქ. თბილისში, მენაშენეებისგან გამოსყიდულ ბინებზე მიღებული განაცხადებისა და წინასწარი შეფასების შედეგების მონიტორინგის ვადები განსაზღვრა.
მონიტორინგი მიმდინარე წლის 18 აგვისტოს დაიწყო და დასრულდება 15 სექტემბერს.
ბინების მიღების მოთხოვნით სამინისტროს 10 010-მა დევნილმა ოჯახმა მიმართა.
მონიტორინგს დაექვემდებარება:
- ერთოთახიანი და ოროთახიანი ბინის პრეტედენტები -8 და მეტი ქულა;
2. სამოთახიანი ბინის პრეტედენტები - 6,5 და მეტი ქულა;
3. ოთხოთახიანი ბინის პრეტედენტები - 1 და მეტი ქულა.
თბილისში, ოქტომბრის თვეში 499 დევნილი ოჯახი მიიღებს ბინას, აქედან 298 „თბილისის ზღვის დასახლებაში“, 201 ოჯახი კი თბილისის სხვადასხვა რაიონში ქართველი მენაშენეებისგან გამოსყიდულ ახალაშნებულ კორპუსებში.
მონიტორინგის შედეგები გადაეგზავნება დევნილთა საკითხების შემსწავლელ კომისიას, რომელიც 5 ოქტომბერს დაზუსტებულ სიებს დევნილთა და განსახლების სამინისტროს ვებგვერდზე (www.mra.gov.ge ) გამოაქვეყნებს.