საჯარო სკოლებში სწავლა 14 სექტემბერს დაიწყება. შესაბამისი განცხადება საქართველოს განათლებისა და მეცნიერების მინისტრის მოადგილემ ლია გიგაურმა დღეს გამართულ პრესკონფერენციაზე გააკეთა.
მისი განმარტებით, კერძო სკოლებს, ისინი სწავლის დაწყების თარიღს თავად განსაზღვრავენ.
მინისტრის მოადგილემ, 2015-2016 სასწავლო წლის ეროვნული სასწავლო გეგმის ადმინისტრაციულ ნაწილში შევიდა გარკვეული ცვლილებები. კერძო სკოლებისთვის სასწავლო კვირების მინიმალური რაოდენობა 34 კვირით განისაზღვრა. კერძო სკოლები თუ სწავლას გვიან დაიწყებენ სასწავლო წლის დამთავრება მათ გვიან მოუწევთ.
როგორც გიგაურმა განმარტა, საჯარო და კერძო სკოლებში სულ დარეგისტრირებულია 46 660 მოსწავლე. სამინისტროს ინფორმაციით, 820-მა მშობელმა შვილების დარეგისტრირება ვერ მოახერხა. ამიტომ 1 და 2 სექტემბერი პირველკლასელთა დამატებითი რეგისტრაციის ვადად განისაზღვრა.
