საჯარო რეესტრის ეროვნულ სააგენტოს ქონების რეგისტრაციის დეპარტამენტისა და შეზღუდვებისა და უფლებების სამსახურის თანამშრომლებისთვის სამართლებრივი მართლწერის საკითხებზე ტრენინგების პირველიეტაპი დასრულდა. სააგენტოს თანამშრომლებისთვის ტრენინგს საქართველოს იუსტიციის სასწავლო ცენტრის ტრენერები ატარებდნენ.
საჯარო რეესტრის ეროვნულ სააგენტოს ინფორმაციით, ტრენინგზე მიღებული ცოდნა და შეძენილი უნარ–ჩვევები რეგისტრატორებს დაეხმარება მათ მიერ მომზადებული ადმინისტრაციული გადაწყვეტილებები, იურიდიული შინაარსის წერილები, ბრძანების პროექტები და სხვასამართლებრივი დოკუმენტები მოქალაქეებისთვის დამაჯერებლად და ადვილად აღქმადი ფორმით, მარტივ და გასაგებ ენაზე მოამზადონ.
სასწავლო კურსი 2-ეტაპიანია. პირველ ეტაპზე მონაწილეებმა სამართლებრივი აქტებისა და წერილობითი მემორანდუმის შედგენა შეისწავლეს. სწავლების მეორე ეტაპი, რომელიც პრაქტიკულ სავარჯიშოებს - გავლილითეორიული კურსის საფუძველზე, შაბლონების გამოყენებით კონკრეტული გადაწყვეტილებების მომზადებასა და განხილვას მოიცავს, სააგენტოს ტერიტორიული სარეგისტრაციო სამსახურების რეგისტრატორებთან ერთადმოგვიანებით დაიგეგმა.
თანამშრომელთათვის სამართლებრივი დოკუმენტაციის შედგენისთვის საჭირო თეორიული და პრაქტიკული ასპექტების გაცნობა ხელს შეუწყობს სააგენტოში წერის ერთიანი სტანდარტის დანერგვას, დოკუმენტებისუნიფიცირებული ფორმების შემუშავებასა და იმპლემენტაციას, შესაბამისად, საჯარო რეესტრის სამუშაო პროცესის ეფექტიანობის ამაღლებას.
