თბილისის საკრებულომ მირზა შაფის პროექტის კორექტირებულ ვარიანტს მხარი დაუჭირა. პროექტი ოპოზიციის წინააღმდეგობის მიუხედავად უმრავლესობამ დაამტკიცა. საკრებულოს წევრების ერთი ნაწილი და გარემოსდამცველი არასამთავრობო ორგანიზაციების წარმომადგენლები საკითხის დღის წესრიგიდან ამოღებას და მის მოგვიანებით განხილვას მოითხოვდნენ.
მათი არგუმენტით, პროექტისა და ცვლილებების კომპეტენტური განხილვები არ გამართულა,
მოთხოვნაზე უარის გამო საკრებულოს წევრებმა "ნაციონალური მოძრაობიდან" და "რესპუბლიკური პარტიიდან", ასევე დამოუკიდებელმა დეპუტატმა ალეკო ელისაშვილმა საკრებულოს სხდომა პროტესტის ნიშნად დატოვეს.
ალეკო ელისაშვილის თქმით, ეს პროექტი არის ძველი თბილისის განადგურების პროექტი და ის არავითარ შემთხვევაში არ განხორციელდება.
"2009 წელს უგულავას და სააკაშვილს ხელიდან გამოვგლიჯეთ. "ქართული ოცნება" იძახდა, ნუ ანგრევთ ისტორიულ თბილსს-მირზა შაფსო, მაგრამ დღეს იგივეს აკეთებს და ძალიან მოიჭრა თავი”, - განაცხადა ალეკო ელისაშვილმა.
"მეტი საჯარო ჩართულობა ამ პროექტს არ აწყენდა. პროექტი ამ შემთხვევაში უფრო დაიხვეწებოდა. მერიის წარმომადგენლები თანახმა იყვნენ საკითხის გადადებაზე, თუმცა ეს უმრავლესობამ არ გაიზიარა. საკრებულო და მერია ორიენტირებულები უნდა იყვნენ მოსახლეობის ინტერესებზე და არა ინვესტორის ინტერესზე", - განაცხადა ფრაქცია დავით ზურბიშვილმა.
ფრაქცია "ნაციონალური მოძრაობის" წევრის, სევდია უგრეხელიზე მიიჩნევს რომ საკითხი დღის წესრიგიდან აუცილებლად უნდა ამოღებულიყო.
