დღეს, 12 აგვისტოს, საკრებულოში დაგეგმილი მირზა შაფის პროექტის განხილვა, "პარტიზანი მებაღეების" აქციის ფონზე ჩაივლის.
პროექტის განხილვას ასევე აპროტესტებს ”ტფილისის ჰამქარი”.
”წინა ხელისუფლების პირობებში უნებართვოდ დაინგრა მთელი ქუჩა, მოიჭრა ლანდშაფტის დაცვის ზონის სტატუსის მქონე კლდის მასივი, განადგურდა არქეოლოგიური ნაშთები”, - აღნიშნულია ”ტფილისის ჰამქარის” მიერ გავრცელებულ განცხადებაში.
"ტფილისის ჰამქარი" მიიჩნევს, რომ ამჟამად წარდგენილი პროექტი არაფრით ჯობს ძველ პროექტებს და მოუწოდებენ საკრებულოს წევრებს არ დაეთანხმონ წარმოდგენილ გენერალურ გეგმას.
