შემოსავლების სამსახური პრესაში გავრცელებულ ინფორმაციას, იმის შესახებ, რომ უწყების თანამშრომლებმა მოქალაქეებს ევროპის სუპერთასის საკუთარი ბილეთების გაყიდვისის საშუალება არ მისცეს, უარყოფს.
,,ჯი-ეიჩ-ენს” შემოსავლების სამსახურიდან აცნობეს, რომ უწყების არცერთი თანამშრომელი მსგავს ქმედებაში ჩართული არ ყოფილა.
„უწყების არცერთი თანამშრომელი ამგვარ ქმედებაში ჩართული არ ყოფილა.
იმ მარტივი მიზეზის გამო, რომ კანონმდებლობა საკუთარი ბილეთ(ებ)ის რეალიზაციის დაბეგვრას არ ითვალისწინებს.
გარდა ამისა, გამოქვეყნებულ სტატიაში შემოსავლების სამსახურის, კერძოდ საგადასახადო მონიტორინგის დეპარტამენტის თანამშრომლები მოხსენებულები არიან უცენზურო ეპითეტით. შესაბამისად, გავრცელებული ინფორმაცია, ასევე სტატიის სათაური „საგადასახადომ მოქალაქეებს სუპერთასის ბილეთები გაყიდვისას წაართვა“ სიცრუეა და კანონაღმასრულებელი სტრუქტურის დისკრედიტაციას ემსახურება“, - აცხადებენ შემოსავლების სამსახურში.