ტობა-ვარჩხილის ტბის მიმდებარე ტერიტორიაზე დაკარგული 33 წლის გიორგი მუჩიაშვილის ძებნა გრძელდება. როგორც ,,ჯი-ეიჩ-ენს” შსს-ს საგანგებო სიტუაციების მართვის სააგენტოდან აცნობეს, 20 კაციანი მაშველთა ჯგუფი, საასზღვრო პოლიციის ვერტმფრენით, ტობა-ვარჩხილის მიმდებარე ტერიტორიისკენ გაემგზავრა.
,,სამძებრო სამუშაოები კვლავ მიმდინარეობს. მაშველები 33 წლის გიორგი მუჩიაშვილს ეძებენ“, - აცხადებენ სააგენტოში.
არსებული ინფორმაციით, მუჩიაშვილი ტობავარჩხილის ლაშქრობისას 3 აგვისტოს დაიკარგა. მისი მეგობრები ამბობენ, რომ მან ერთ-ერთ ტბასთან გაჩერება გადაწყვიტა, რის შემდეგაც მისი პოვნა ვეღარ შეძლეს.
