დედაქალაქის მუნიციპალიტეტის საკრებულოს კრწანისის რაიონის მაჟორიტარმა დეპუტატმა-ბექა ნაცვლიშვილმა, ამავე რაიონის გამგებელთან-გიორგი კოპალეიშვილთან და თბილისის საბავშვო ბაგა-ბაღების მართვის სააგენტოს ხელმძღვანელთან თემურ თორდინავასთან ერთად, კრწანისის რაიონის ზემო ფონიჭალის დასახლებაში, წლების წინ დახურული N 206-ე საბავშვო ბაღის სარემონტო-სარეკონსტრუქციო სამუშაოები დაათვალიერა.
დეპუტატის განცხადებით, სარემონტო სამუშაოების დასრულების შემდეგ, აღნიშნულ ბაგა-ბაღში აღსაზრდელთა რვა ჯგუფი შეიქმნება. მთლიანობაში კი, ბაგა-ბაღში 300-მდე ბავშვის სკოლამდელი განათლებით უზრინველყოფა იქნება შესაძლებელი.
„ზემო ფონიჭალის მოსახლეობა, აღნიშნული ბაგა-ბაღის აღდგენას ითხოვდა და მე, როგორც ამ რაიონის მაჟორიტარმა დეპუტატმა, მათ მივეცი პირობა, რომ N206-ე ბაგა-ბაღის რეკონსტრუქცია უმოკლეს ვადებში დაიწყებოდა.
უკვე დღეს, თბილისის საბავშვო ბაგა-ბაღების მართვის სააგენტოს ხელმძღვანელის-თემურ თორდინავას თანადგომით, ჩვენ შევძელით, რომ ეს ბაგა-ბაღი ესქპლუატაციაში ძალიან მალე შევა, რისთვისაც მადლობა მინდა გადავუხადო. სარემონტო სამუშაოები მიმდინარე წლის ივლისში დაიწყო და აღსანიშნავია, რომ საკმაოდ სწრაფი ტემპით მიმდინარეობს“-განაცხადა ბექა ნაცვლიშვილმა.
სამშენებლო პროცესის მიმდინარეობა და ბაგა-ბაღის პროექტი, სტუმრებს, საბავშვო ბაღის დირექტორმა-მარინა გოგოლაძემ დეტალურად გააცნო.