სასტუმრო "თბილისი მარიოტთან" საფეხბურთო კლუბ "ბარსელონას" გულშემატკივრები შეიკრიბნენ. უსაფრთხოების მიზნით, ადგილზე მობილიზებულნი არიან სამართალდამცავები. შეზღუდვებია დაწესებული ავტომობილით გადაადგილებაზე. გავრცელებული ინფორმაციის მიხედვით, თბილისში ჩამოსვლის შემდეგ "ბარსელონას" ფეხბურთელები "თბილისი მარიოტში" განთავსდებიან. "ბარსელონა"-"სევილია" ერთმანეთს საქართველოს დედაქალაქში ხვალ დაუპირისპირდებიან. სუპერთასის მატჩი "დინამო არენაზე" 22:45 საათზე გაიმართება.
