ხანძარსაწინააღმდეგო სისტემა ქობულეთში არსებული სასტუმროების მხოლოდ 10 %-მა დაამონტაჟა, 45 %-მა დანადგარები შეიძინა, თუმცა მოხდა თუ არა მათი დამონტაჟება, ქობულეთის გამგეობაში არ იციან. შესაბამისად, ”ჯი-ეიჩ-ენის” მიერ, ადგილობრივი გამგეობიდან მიღებული მასალების თანახმად, ქობულეთში საოჯახო ტიპის სასტუმროების 45 %-ში დასვენება სახიფათოა.
სასტუმროების სია, სადაც უსაფრთხოების ზომები სრულად არის დაცული, ასე გამოიყურება: დიანა, აიეტი, ნაციონალი, დავითი, ბუვერესნიკი, კენტი, ჭაღარა ურალი, ორენჯი, ჯუდე, გარდენია, ელ-კოპა, თეთრი ეტლი, ჩვენი ეზო, სანაპირო რეზიდენცია ქობულეთი, პალერმო, ელდორადო, მირაჟი, გუნთაიშვილი ავთო, ამირანი, თეთრი სახლი, ჩვენი ეზო, კონდორი, ქინგ პალასი, ნიკოლა, ამიგო, ქობულეთი, გბ-სასტუმრო, კახეთი, ზღვის მარგალიტი, სავანე და სანაპირო, ხანძარსაწინააღმდეგო სისტემა ასევე გამართული აღმოჩნდა გრიინ ჰაუსში, პანორამაში, კახეთის სასტუმროში, მწვანე ეზოში, კიპაროსსა და სანრაიზში.
შეგახსენებთ, სასტუმრომ სასტუმრო ,,არმაზში” მიმდინარე წლის 15 ივნისს გაჩენილი ხანძრის შემდეგ, ადგილობრივმა გამგეობამ გააკეთა განცხადება, იმასთან დაკავშირებით, რომ საზოგადოებრივი ობიექტების მესაკუთრეებმა 15 დღის ვადაში უნდა უზრუნველყონ უსაფრთხოების ზომები. ქობულეთის გამგებლის მოადგილის რატი მეგრელიძის განმარტებით, გამგეობა მხოლოდ რეკომენდაციით შემოიფარგლა, რადგან ეს არის სასტუმროების მენეჯმენტის საკითხი.
ქობულეთში სულ 115 საოჯახო ტიპის სასტუმროა.