ავსტრიის სხვაფასხვა ქალაქში მცხოვრებმა ქართველებმა ავსტრიის დედაქალაქ ვენაში, ეუთოს შენობის წინ 8 აგვისტოს, რუსეთ-საქართველოს ომის 7 წლისთავზე მდუმარე აქცია სახელწოდებით "შეაჩერე ოკუპაცია" გამართეს.
აქციის მონაწილეებმა პატივი მიაგეს 2008 წლის რუსეთ-საქართველოს ომში დაღუპულებს და, ამავდროულად, შეახსენეს ეუთოსა და, ზოგადად, ევროპას, რომ საქართველოს ოკუპაცია რუსეთის მიერ დღემდე გრძელდება. აქციის მონაწილეების მიერ დარიგდა აგვისტოს ომის შესახებ საინფორმაციო ფლაერები. რამოდენიმე წუთით აქციას შეუერთდნენ უკრაინელი ტურისტები, აქციის მიზნების მიმართ ინტერესი და თანადგომა გამოხატეს გამვლელმა ტურისტებმა და ავსტრიელებმა, რომლებმაც მონაწილეებთან ერთად ფოტოები გადაიღეს. აქცია ორგანიზებული იყო ავსტრიაში მცხოვრები ქართველი ემიგრანტების მიერ, მხარს უჭერდა - "ქართული სათვისტომო ავსტრიაში".
აქცია ეუთოს შენობის წინ 8 აგვისტოს, 2 საათი გაგრძელდა.