ფრაქცია „ გაერთიანებული დემოკრატიული მოძრაობა“ თბილისის 2015 ბიუჯეტის 6 თვის შესრულებას დედაქალქის მთავრობას უწუნებს. ფრაქცის წევრის თამარ ცინცაბაძის განცხადებით, მერიაში მენეჯმენტის სერიოზული პრობლემა დგას. დედაქალაქის მთავრობამ 6 თვის განმავლობაში ასათვისებელი თანხის 88 % აითვისა, 12 % რომელიც, ჯამში 57 მილიონი ლარია მან დედაქალაქის სასიკეთოთ ვერ გახარჯა.
თბილისის 2015 წლის ბიუჯეტის 6 თვის შესრულების მიხედვის
- ინფრასტრუქტურული ობიექტების მშენებლობა, ექსპლუატაცია და ავარიული შენობების გამაგრება - აუთვისებელი დარჩა 17 % ანუ 10 მლნ. ლარი. ბინადმშენებლობა და ავარიული შენობების გამაგრება - აუთვისებელია 11% - 1 მლნ.
- ეკოლოგიის მდგომარეობის შენარჩუნება და გაუმჯობესების კუთხით - აუთვისებელია 11%, საიდანაც უდიდესი ნაწილი მოდის გამწვანების ღონისძიებებზე 4 მლნ. ლარი, მაშინ როდესაც ბიუჯეტის მრავალგზის კორექტირების დროს ამ მიმართულებით თანხები ისედაც შემცირდა, გამწვანების სამსახურმა კი შემცირებული თანხების ათვისებაც ვერ მოახერხა.
- ჯანმრთელობის დაცვის და სოც.უზრუნველყოფის კუთხით - აუთვისებელია 5 %. 5,5 მლნ ლარზე მეტი. მათ შორის ლეიკემიით დაავადებულთა პროგრამის კუთხით აუთვისებელია 48 %. ამ მიმართულებით მოვუწოდებთ მერიას გააფართოვოს აღნიუშნული პროგრამა, რადგან ბიუჯეტი იძლევა ამის საშუალებას. ასაკობრივი ზღავრი 30 წლის ნაცვლად გაზარდოს.
- თანხები აუთვისებელია სატრანსპოტო ინფრასტრუქტურის მშენებლობა- აღდგენის კუთხით . 3 მილიონი ლარი მერიამ ვერ აითვისა, მაშინ როდესაც, საგზაო ინფარსტუქტურის მხრივ დედაქალაქს ბევრი გადაუჭრელი პრობლემა აქვს.
და ბოლოს განსაკუთრებით საინტერესოა, რომ ეკონომიკური განვითარების ხელშეწყობის კუთხით აუთვისებელია მილიონობით ლარი. ბიუჯეტით განსაზღვრული თანხის მხოლოს 48 % ათვისებული. ეს ის სფეროა, რომელმაც დედაქალაქში ეკონომიკის, მცირე და საშუალო ბიზნესის განვითარებას უნდა შეუწყოს ხელი და რომლისთვისაც ამ წლის დასაწყისში შეიქმნა სპეციალური სტრუქტურა „ მეწარმეობის ხელშეწყობის ცენტრი“. სტრუქტურამ ბიუჯეტიდან გამოყოფილი თანხების ათვისება წარმატებით მოახერხა შრომის ანაზღაურებაზე, ავეჯსა და კომპიუტერებზე. თუმცა მისი საქმიანობა დედაქალაქს არ დასტყობია და არც რაიმე ინფორმაცია არ მიგვიღია.