მიკროავტობუსებში კონდიციონერები 26 გრადუსი ტემპერატურის გადაჭარბების შემთხვევაში ჩაირთვება, - ასეთ შეთანხმებას მიაღწიეს დღეს ,,თბილისის მიკროავტობუსისა” და გაფიცული მძღოლების წარმოადგენლებმა.
"ჩვენი მხრიდან კონდიციონერების საკითხი ერთ-ერთი მთავარი მოთხოვნა იყო. ვიცით, რომ არის პრობლემები ამ მიმართულებით. მგზავრები უკმაყოფილოები რეკავენ. მივაღწიეთ აქაც შეთანხმებას, რომ ნებისმიერ დროს, როდესაც ტემპერატურა აღემატება 26 გრადუსს, კონდიციონერი უნდა იყოს ჩართული. ტემპერატურის საზომიც დამონტაჟებულია ყველა მიკროავტობუსში", - განაცხადა კომპანიის წარმომადგენელმა ნათია მიქიაშვილმა დღეს გამართული შეხვედრის შემდეგ.
შეგახსენებთ, დიღმის მასივში მდებარე ავტოპარკში მიკროავტობუსის მძოლები გაიფიცნენ. ისინი ვალების ჩამოწერას და გეგმის შემცირებას მოითხოვდნენ.
