"თბილისის მიკროავტობუსის" მძღოლების ნაწილი გაფიცვას აგრძელებს. ისინი დიღმის ფარეხთან არიან შეკრებილები. ადგილზე მობილიზებულია პოლიციაც.
მძღოლები ,,ჯი-ეიჩ-ენთან” საუბარში აცხადებენ, რომ ზაფხულის სეზონზე დედაქალაქში გეგმის შესრულება ძალიან უჭირთ, რადგან თბილისი ფაქტიურად დაცლილია და მათ ცოტა მგზავრი ჰყავთ. შესაბამისად ისინი ყოველდღიური გეგმის შემცირებას ითხოვენ.
"თბილისის მიკროავტობუსის" წარმომადგენლები გაფიცულ მძღოლებთან დიალოგისთვის სავარაუდოდ, მზად არიან და შეხვედრა დღის პირველ ნახევარში გაიმართება. ამის შემდეგ გადაწყდება, გააგრძელებენ თუ არა მძღოლები გაფიცვას.
