თბილისში, ელიავას ბაზრობის მიმდებარედ, გუდაუთის ქუჩაზე ხანძრის დროს დაკარგული 2 ადამიანი გარდაცვლილი იპოვეს.
ხანძრის შედეგად გარდაცვლილები ექსპერტიზის ეროვნულ ბიუროში გადაასვენეს. მაშველებმა ორივე დაღუპული საწყობის კართან ნახეს.
შეგახსენებთ, რომ დღეს ელიავას ბაზრობის მიმდებარე ტერიტორიაზე, საღამოს 5 საათისთვის ცეცხლი საღებავების საწყობს მოედო.
4 საათის განმავლობაში ცეცხლის ჩაქრობას სახანძრო და სამაშველო სამსახურის თანამშრომლები ცდილობდნენ. პროცესში ჩართული იყო რამდენიმე ვერტმფრენიც.
