თბილისში ევროპის ახალგაზრდული ოლიმპიური ფესტივალის დაწყებამდე რამდენიმე საათია დარჩენილი.

თავდაცვის მინისტრი თინა ხიდაშელი აცხადებს, რომ საქართველო სტაბილური ქვეყანაა, რომელსაც აქვს პოტენციალი უმასპინძლოს  ევროპის მე-13 ახალგაზრდულ ოლიმპიური ფესტივალის ტიპის ღონისძიებებს.  

"ნებისმიერი საეთაშორისო მაშტაბის ღონისძიება მნიშვნელოვანია ჩვენი ქეყნისთვის, მისი პოპულარიზაციისთვის. იმის დასამტკიცებლად, რომ სტაბილური ქვეყანა არის საქართველო სადაც შეიძლება, რომ ნებისმიერი ღონისძიება გაიმართოს," - აცხადებს თავდაცვის მინისტრი  თინა ხიდაშელი.

26 ივლისს, თბილისში სტარტს ევროპის მე-13 ახალგაზრდული ოლიმპიური ფესტივალი აიღებს.

თბილისი 2015-ის გახსნის ცერემონიალი მიხეილ მესხის სახელობის სტადიონზე 20:15-ზე დაიწყება.

ოლიმპიური ფესტივალის საორგანიზაციო კომიტეტის ცნობით,  გახსნის ცერემონიალი მოიცავს ოფიციალურ და შოუს ნაწილს.

ოფიციალურ ნაწილში სიტყვით საქართველოს პრემიერ-მინისტრი ირაკლი ღარიბაშვილი, ევროპის ოლიმპიური კომიტეტების პრეზიდენტი პატრიკ ჰიკი და თბილისი 2015-ის საორგანიზაციო კომიტეტის თავმჯდომარე ალექსი ახვლედიანი გამოვლენ.

სტადიონზე მოსული მაყურებელი იხილავს მასშტაბურ ღონისძიებას, რომელშიც მონაწილეობას 1500 ადამიანი მიიღებს.

მიხეილ მესხის სტადიონზე მოხდევრა 19:00 საათამდე იქნება შესაძლებელი.

 ხვალ, 27 ივლისიდან - 1-ელ  აგვისტოს ჩათვლით შეჯიბრებები სპორტის 9 სახეობაში გაიმართება, რომლებშიც მონაწილეობას 50 ქვეყნის სპორტსმენები მიიღებს.

 მაყურებელთათვის დასწრება თავისუფალია.