,,ნაცმოძრაობის” დეპუტატი ჩიორა თაქთაქიშვილი სახელმწიფო უსაფრთხოების სამსახურის ხელმძღვანელის კანდიდატისგან, ვახტანგ გომელაურისგან დაინტერესდა მისი მთავარი ამოცანა ქვეყნის უსაფრთხოებაზე ზრუნვა, თუ ყოფილი პრემიერის ბიძინა ივანიშვილის პირადი უსაფრთხოების დაცვაა. Aამის შესახებ, დეპუტატმა პარლამენტის ადამიანის უფლებათა დაცვის და თავდაცვისა და უშიშროების კომიტეტების სხდომაზე განაცხადა სადაც გომელაურს დეპუტატები უსმენენ.
,,თქვენი ერთადერთი სამუშაო იყო სამთავრობო დაცვის სპეციალურ სამსახურში მრავალწლიანი მოღვაწეობა. Mმინდა დიდი პატივისცემა დავაფიქსირო ყველა იმ მოხელის მიმართ რომელიც საკუთარი სიცოცხლის ხარჯზე იღებს გადაწვეტილებას და მიდის სამთავრობო დაცვის სპეციალურ სამსახურში იმისთვის, რომ დაცული იყოს სახელმწიფოსთვის მნიშვნელოვანი ინეტერესები და პიროვნებები. Eეს არის ძალიან საპასუხისმგებლო საქმიანობა, მაგრამ სამწუხაროა ის რომ არც ერი სხვა სახელმწიფოს სპეციალური სამსახურის თანამშრომელი არ დაწინაურებულა ხელისუფლების ცვლილების შემდეგ ერთ დღეში და არ გამხდარა შსს მაღალი თანამდებობის პირი”, _მიმართა თაქთაქიშვილმა გომელაურს.
თაქთაქიშვილის განმარტებით გომელაურის დაწინაურების მიზეზი ყოფილი პრემიერი ბიძინა ივანიშვილია.
,, მიგაჩნიათ თუ არა ნორმალურად და საქართველოს კონსტიტუციასთან თანხვედრაშია ის, რომ ქვეყნის შს მინისტრის და უკვე უსაფრთხოების სამსახურის უფროსის მთავარი ამოცანა იყოს არა სახელმწიფო უსაფრთხოების დაცვა, არამედ ერთი კაცის ე.წ. ,,პირველი მოქალაქის” ბიძინა ივანიშვილის პირადი უსაფრთხოების უზრუნველყოფა.სამწუხარო რეალობა არის ის რომ თქვენი დანიშვნის ერთადერთი საფუძველი არის ბიძინა ივანიშვილის პირადი უსაფრთხოების უზრუნველყოფა”, _მიმართა ჩიორა თაქთაქიშვილმა გომელაურს.
