ხაშურის საკრებულოს გადაწვეტილებას ,,თავისუფალი დემოკრატები” სასამართლოში გაასაჩივრებენ. საკრებულოს თავმჯდომარის მოადგილე ,,თავისუფალი დემოკრატების" წევრი გიორგი ცხადიაშვილი თანამდებობიდან რიგგარეშე სხდომაზე გადააყენეს.
საკრებულოს თავმჯდომარემ ცხადიაშვილის გადაყენების საკითხის დასმის არგუმენტად კოალიციის და რამდენიმე დამოუკიდებელი დეპუტატის გადაწყვეტილება დაასახელა.
საკრებულოს წევრებმა თავმჯდომარისგან მეტი კონკრეტიკა მოითხოვეს, თუმცა პასუხი ვერ მიიღეს.
ცხადიაშვილის თანამდებობიდან გადაყენების მოთხოვნით განსაკუთრებით კოალიციის რესპუბლიკელი წევრები ლაშა მესხი და ირინა გელაშვილი აქტიურობდნენ. მესხმა პირდაპირ განაცხადა სხდომაზე, რომ ცხადიაშვილის განთავისუფლება პოლიტიკური ნიშნით უნდა მომხდარიყო.
ფარული კენჭისყრის შედეგად 18 მომხრე 9 წინააღმდეგი, ცხადიაშვილი თანამდებობიდან გადააყენეს.
