პარლამენტი საჯარო სამსახურის შესახებ ახალი კანონპროექტის განხილვას იწყებს. საუბარია მთავრობის მიერ ინიცირებულ საკანონმდებლო პაკეტზე, რომლის საფუძველზეც მთავრობა საჯარო სამსახურის რეფორმირებას გეგმავს. ცვლილების მიზანი პროფესიონალიზმის წახალისება, ხელშეწყობა და დაფასება, ასევე, საჯარო სამსახურის მართვის ცენტრალიზებული სისტემის გაძლიერება და პროფესიული საჯარო მოხელეების უფლების დაცვის სამართლიანი მექანიზმის შექმნაა. საკანონმდებლო პაკეტს დღეს ადამიანის უფლებათა დაცვის და განათლებისა და მეცნიერების კომიტეტების გაერთიანებულ სხდომაზე განიხილავენ.
