თბილისში დღეს დონალდ ტუსკს ელოდებიან. ევროსაბჭოს პრეზიდენტი საქართველოს პრეზიდენტის მოწვევით საქართველოს ორი დღით ეწვევა. მარგველაშვილი და ტუსკი ერთმანეთს პირისპირ და გაფართოებულ ფორმატში შეხვდებიან. გაიმართება ერთობლივი პრესკონფერენციაც. დაგეგმილია შეხვედრები პრემიერ-მინისტრთან, პარლამენტის თავმჯდომარესა და ოპოზიციასთან. ხვალ საქართველოსა და ევროსაბჭოს პრეზიდენტები პრეზიდენტის სასახლეში ევროკავშირის მისიის ეგიდით ცენტრალური აფრიკის რესპუბლიკაში საქართველოს სამშვიდობო კონტიგენტს სიტყვით მიმართავენ.
