თავდაცვის ყოფილი მინისტრის თენგიზ კიტოვანის ინფომაციით, ზვიად გამსახურდია 2 ტყვიით იყო მოკლული. „იმედის კვირის" პირდაპირ ეთერში მოსკოვიდან ჩართვისას თენგიზ კიტოვანმა მკვლელობაში დაინტერესებული პირებიც დაასახელა, მათ შორის ედუარდ შევარდნაძე.
"14-15 წელიწადი ვწერდი, რომ გამსახურდია არის მოკლული ორი ტყვიით. ეს არის როსტოვის ექსპერტის დასკვნა. მან თქვა, რომ ერთი ტყვია კისერში აქვს გავლილი ხორხთან, მეორე - საფეთქელთან, აქედან უნდა დავიწყოთ ყველაფერი. გამორიცხულია მაყუჩიანი "სტეჩკინით" მოეკლა თავი გამსაურდიას. დავუშვათ, ისროლა გამსახურდიამ, მერე როგორ აღმოჩნდა იარაღი ფეხებშუა მწოლიარე კაცთან, ის იარაღი უნდა დავარდნილიყო ძირს, ეს ვერ გათვალა მკვლელმა. რასაკვირველია, გამსახურდიას მოკლავდნენ მხოლოდ ფულის გულისთვის (უცხო ხალხი), მაგრამ დაინტერესებულმა ხალხმა გადაიხადა ეს ფული მის მკვლელობაში. დაინტერესებული ხალხი იყო: შევარდნაძე, შოთა კვირაია, იოსელიანი",-განაცხადა კიტოვანმა.
