კონსტანტინე გამსახურდია ძვიად გამსახურდიას მკვლელობის საქმეში ნივთიერი სამხილის გაქრობაზე საუბრობს. ეს განცხადება „იმედის კვირის“ ეთერში გაჟღერდა.

 „გამქრალია გულა, გამქრალია მასრა, გარეცხილია ბალიშის და საბნის პირები, რომლებზეც წესით სისხლის კვალი უნდა იყოს; დამწვარია ლეიბები და საბნები ჯონსონ კვარაცხელიას ეზოში (პირველი გადასვენების დროს). ასევე არ არსებობს იარაღი არც მკვლელობის, არც თვითმკვლელობის. მეტსაც გეტყვით: საქმეში ფიგურირებს 4 სტეჩკინი. ესეც, მე ვფიქრობ, კვალის არევის მიზნით არის“, - განაცხადა კონსტანტინე გამსახურდიამ.

მისივე თქმით, დროებითი საპარლამენტო კომისიის დოკუმეტში პირველი პრეზიდენტის თვითმკვლელობის ფაქტი გამოირიცხება.

„ჩვენს მიერ [დროებითი საპარლამენტო კომისია] მომზადებულ ძირითად დოკუმეტში, რომელიც ჩვენ გადავეცით საქართველოს პროკურატურას, თვითმკვლელობა გამოირიცხება, გამოირიცხება ძირითადად დედუქტიური ანალიზის შედეგად, რომელიც ჩვენ ჩავატარეთ. აქ მოცემულია მთავარი მოწმეების ჩვენებები, რომელიც შესწავლილია შეპირისირების მეთოდით. ძალიან ბევრი რამ არ ემთხვევა ბუნების კანონებსაც, განსაკუთრებით ტრასოლოგიის და ბალისტიკის ნაწილში. ამავე დროს ჩვენ შევისწავლეთ კრიმინალისტიკური თვალსაზრისითაც“, - აღნიშნა კონსტანტინე გამსახურდიამ.