პარლამენტის ვიცე-სპიკერის მანანა კობახიძის ინფორმაციით, ვიცე-პრემიერი კახი კალაძე ხვალ საოკუპაციო ხაზთან განლაგებულ სოფლებს ეწვევა. როგორც პარლამენტარმა „იმედის კვირის“ ეთერში განაცხადა, მინისტრი იქ მოსახლეობის სოციალური და სხვა პრობლემების მოსაგვარებლად ჩადის.
„ვიცი, რომ ხვალ კახი კალაძე სწორედ ამ სოფლების გაზიფიცირების და ადამიანების პრობლემების მოგვარების მიზნით ხვალ იქ იქნება. ეს „ურა-პტრიოტიზმი“ და ემოციებზე აყოლილი გამოსვლები ამ ხალხს არ შველის. ამ ხალხს არ სჭირდება პროვოკაციები, ამ ხალხს სჭირდება უსაფრთხოება, გაზიფიცირება, სოციალური დახმარებები“, - განაცხადა პარლამენტარმა.
