„გაერთიანებული დემოკრატიული მოძრაობის“ ერთ-ერთმა ლიდერმა გიორგი ახვლედიანმა ჟურნალისტები, რობლებმაც საოკუპაციო ძალების მიერ დამონტაჟებული სასაზღვრო ბანერი ჩამოგდეს, კონფლიქტის გამძაფრებაში დაადანაშაულა. როგორც პოლიტიკოსმა „რეაქციის“ ეთერში განაცხადა, მოქალქეობრივი პოზოცია არ უნდა იყოს პროვოკაციული.
„არ ვიცი, ვისი დავალებით და რა პოლიტიკური ანგაჟირებით მივიღეთ შედეგად ის, რომ ასეთი მეთოდებით არ გვარდება კონფლიქტი, ის მწვავდება. ის, რომ ბანერი იქიდან ამოგლიჯეთ და გადააგდეთ, - ამითი რომ კონფლიქტი გვარდებოდეს, ამოვგლიჯავდი ყველა ბანერს სათითაოდ ცხინვალამდე და კავკასიონამდე. მაგრამ ამით პრობლემა არ გვარდება. მოქალქეობრივი პოზოცია - ერთია, მაგრამ მოქალქეობრივი პოზოცია არ უნდა იყოს პროვოკაციული და პრობლემის გამამწვავებელი. ეს იყო ქმედება, რომელმაც სიტუაცია გაამძაფრა და ცეცხლის ქვეშ დააყენა უპირველსყოვლისა იქ მცხოვრები ადამიანები, რომლებზეც არავინ არ ფიქრობს“, - განაცხადა გიორგი ახვლედიანმა.
