პრემიერ–მონისტრმა ირაკლი ღარიბაშვილმა დაასახელა, თუ რა ვერ მოახერხა ხელისუფლებამ 13 ივნისის სტიქიის დროს. როგორც მთავრობის მეთარმა „2030“–ის ეთერში განაცხადა, ყველაზე მთავარი, რაც ხელისუფლებამ ვერ შეძლო, – 22 ადამიანის სიცოცხლის გადაარჩენაა. ირაკლი ღარიბაშვილის თქმით, მას ესმის „იმ ოპონენტების, რომლებიც ამ სტიქიასაც მთავრობას აბრალებენ“.
„ძალიან რთულია დღეს ვისაუბროთ იმაზე, თუ რისი გაკეთება შეეძლო მთავრობას (იმაზე უფრო მეტად, რაც ჩვენ გავაკეთეთ). ნებისმიერი საუბარი მთავრობის ეფექტურობის საქმიანობაზე, კოორდინაციაზე თუ დროულ რეაგირებაზე არის უადგილო, მაშინ როცა ჩვენ ვიხილეთ ადამიანების სიცოცლის დაკარგვა – ჩვენ 22 ადამიანი დავკარგეთ. ეს არის ყველაზე მთავარი. თქვენ თუ მკითხავთ, რა ვერ მოვახერხეთ – ალბათ, ეს ვერ მოვახერხეთ. მაგრამ, რა თქმა უნდა, ეს არის ობიექტური მიზეზებიდან გამომდინარე. ჩვენ ვერ შევძლებდით ამ სტიქიის თავიდან აცილებას, – განაცხადა პრემიერ–მინისტრმა და დაამატა: მე მესმის იმ ოპონენტების, რომლებიც ამ სტიქიასაც ჩვენ გვაბრალებენ."
