საბერძნეთიდან ქართველი ემიგრანტების მასობრივი დაბრუნება სამშობლოში არ არის მოსალოდნელი. ამის შესახებ დიასპორების საკითხთა სახელმწიფო მინისტრმა გელა დუმბაძემ „2030“-ის ეთერში განაცხადა.
„მიუხედევად კრიზისა, მასიური სურვილი საბერძნეთიდან საქართველოში დაბრუნების თვალსაზრისით ჩვენს მოქალაქეებს იქ არ გააჩნიათ“, - განაცხადა გელა დუმბაძემ.
მინისტრის თქმით, მის უწყებას ყოველდღიური კონტაქტი აქვს დიასპორულ ორგანიზაციებთან, საქართველოს საელჩოსთან ათენში და გენერალურ საკონსულოსთან სალონიკში.
ამასთანავე უწყების ხელმძღვანელმა აღნიშნა, რომ შემდეგ კვირას მისი მოადგილე გაემგზავრება საბერძნეთში, სადაც შეხვდება ქართული დიასპორის ფართო წრეებს.
